Wakina mama wengi wa kiafrika huwa tunapata kigugumizi katika nini tuvae hata tukipata mialiko katika sherehe mbalimbali kulingana na hali zetu za ujauzito.

Naweza kusema wengi tunakumbana na mtihani huu kwasababu ya kuongezeka kwa ukubwa wa miili yetu, na kulingana na hali ya uchumi tunashindwa kwenda kufanya manunuzi ya nguo ambazo zitaendana na hali zetu hizo, Lakini pia desturi ambayo tumejengewa tangu vizazi na vizazi kuwa mama mjamzito lazima awe anavalia nguo pana kama vile tenite ili kutokibana kiumbe alichokibeba.

Lakini zama hizi zimepitwa na wakati, sina maana kwamba tuache kufata mila na desturi zetu, La hasha, ila tuchague basi zipi zinafaa kufatwa na zipi za kuachwa. Jamani dunia ya siku hizi ni mitindo, hivyo tubadilike, pindi utakapogundua kama una ujauzito pamoja na kufata taratibu za kwenda klinik pia tujijengee utaratibu wa kufanya matembezi katika maduka na kutafuta nguo ambazo tutakuwa tunazivaa katika msimu huo wa mpito.

Mfano mzuri baadhi ya watu wenye majina makubwa duniani kama Beyonce, Jennifer Lopez, Kim Kardashian wame thibitisha hili. Angalia Mwanadada huyu alivyokuwa akibadilika na kupendeza akiwa na ujauzito.

[URIS id=1224]