Kuchagua kipodozi sahihi ni jambo la muhimu katika swala zima la kutunza afya ya ngozi zetu. Kitu chochote tunachopaka kwenye ngozi ni muhimu zaidi ya vile tunavyo fikiri. Baadhi ya watu huchagua kipodozi kwa nia ya kutatua matatizo fulani ya ngozi zao, huku wengine huchagua ili kuwa na utaratibu unaofaa wa kutunza ngozi zao ziendelee kuwa na mvuto zaidi. 

Hivi karibuni kumekuwepo na wimbi kubwa la vipodozi vinavyo semekana kuwa na uwezo wa kufanya ngozi ya mwili kuwa nzuri na ya kuvutia zaidi; hata wakati mwingine kusababisha vipodozi hivyo kuuzwa bei ghali.  Lakini wazungu wanakwambia ‘The most expensive products aren’t necessarily the best’. Swali la kujiuliza, kwa uwepo wa vipodozi vingi sana sokoni, unawezaje kufahamu kipodozi kitakachofaa kwenye ngozi yako?

yafuatayo ni mambo 3 ya msingi ya kuzingatia wakati wa kuchagua kipodozi kinachofa kwa ajili ya ngozi yako.

  1. Aina ya ngozi (skin type).

Kabla ya kutumia kipodozi unapaswa kwanza kujua aina ya ngozi yako kama ni kavu(dry), ya mafuta (oily), mchanganyiko (combination) au ya kawaida (normal).Unaweza kutambua aina ya ngozi yako kwa njia rahisi; osha uso wako na usubiri kwa masaa machache bila kuupaka chochote kisha uutazame ukiwa katika muonekano wake halisi. Hapo utaweza kugundua aina ya ngozi yako. Katika makala zijazo nitakuja kuzungumzia kwa undani zaidi kuhusiana na aina za ngozi na njia za kuzitunza.

  1. Ingredients 

Kila kipodozi huwa na ingredients kadhaa katika mchanganyiko wake. Angalia kila ingredients na ujue kina kazi gani kwenye ngozi. Kutegemeana na aina ya ngozi yako unatakiwa kutambua ingredients za kuziepuka na zile zinazokufaa.

 

Ngozi kavu: Tafuta kipodozi kilicho changanywa na olive oil, jojoba oil, shea butter, lactic acid, glycerin, mineral oil au hyaluronic acid.

Ngozi ya mafuta: Tafuta kipodozi kisicho na mafuta  yaani ‘oil-free’ ili kuzuia matundu ya ngozi yasijizibe kuepuka kupata chunusi.

Ngozi mchanganyiko: Tafuta kipodozi  chenye alphahydroxy acid na betahydroxy. Epuka kipodozi chenye  chemical fragrance na alcohol menthol.

 

  1.  Expiration date.

Ni muhimu kuangalia tarehe ya kumalizika muda wa matumizi ya kipodozi. Kipodozi kilichokwisha muda wake kinaweza kubeba bacteria wanaoweza kusababisha muwasho, maambukizi katika ngozi hata kuleta muonekano wa ngozi usiofaa. 

Kuna baadhi ya vipodozi hutumia period-after-opening symbol kama picha inavyoonekana hapo chini. Alama hii huonesha idadi ya miezi ambayo kipodozi kinapaswa kutumika mara baada tu ya kufunguliwa. 

Cha kuzingatia; kipodozi kilicho faa kwenye ngozi ya mtu mwingine, si lazima kikufae wewe pia.

Baada ya kufahamu haya, sio vibaya na wewe ukatuambia vitu gani unazingatia kabla ya kununua kipodozi chako kwa kucomment hapo chini. 

Writter/content creator:- Gift Reinhard Lisapita
Instagram:- @gift_reinhard

 

Comments

comments