MUONEKANO UNA WAFELISHA FEMALE RAPPERS WA TANZANIA 

Witnes, Tiffa Flow, Nician, Stosh, Chiku Keto, Chemical, na, hawa ni wachache kati ya wengi wanaofanya muziki wa kizazi kipya katika upande wa hiphop. Lakini kabla ya hawa kulikuwa na wasanii kama Zay B, Sister P, pamoja na Raha P

Moja ya maswali ambayo wakati wote hujiuliza ni juu ya muonekano wao, wengi wao kama sio wote hupenda kuvaa mavazi ya kiume. Siachi kujiuliza je wanadhani ukiimba hiphop ni lazima uvae mavazi hayo ya kiume tena suruali au pensi chini ya makalio?

Stosh Tz female rapper

Hakika muonekano wao hufanya mashabiki na wadau waone kama ni watu wahuni tu maana iko wazi mtoto wa kike sharti upendeze wakati wote. Ila wasanii hawa wa kike mara zote huwakuta wakiwa na muonekano ambao haipaswi msanii kuwa hivyo.

Ila katika wasanii wa kike ni msanii mmoja tu mwenye muonekano mzuri na kistaa ambaye ni Tammy The Baddest

Lakini kwanini hawaigi mfano Tammy The Baddest au hata wa Nick Minaj na Iggy Azalea? Maana hawa ni wasanii wa hiphop na wameweza kuchukua tuzo nyingi na kubwa duniani ila muonekano wao ni mzuri yani vile inavyopaswa mtoto wa kike aonekane. Tatizo ni nini kwa wasanii wetu?

Inashangaza leo hata katika mahojiano ni kawaida kabisa kwa msanii husika kwenda katika mahojiano akiwa katika muonekano mbaya kuanzia mavazi mpaka aina ya nywele au jinsi alivyonyoa. Chemical ni mfano tosha, juzi hapa akiwa anatambulisa wimbo wake.

Nguo alizovaa jinsi alivyoweka nywele ni wazi hakuwa na muonekano mzuri, ni vyema kuamka kifikra wasanii hawa wa kike kwenye muziki wa hiphop wajue wanaweza kupendeza na kufanya vyema kwenye muziki huo.

chemical Tanzania female rapper