ALLY REHMTULLAH AIPONGEZA SANAA FASHION 

Ally Rehmtullah ni moja kati ya wabunifu wakubwa wa mavazi hapa nchini Tanzania,ambaye amewahi kufanya aina nyingi za ubunifu wa mavazi pamoja na kushiriki katika matamasha makubwa ya ubunifu wa mavazi ndani na nje ya Tanzania.

Ni wiki moja imepita tangu kufanyika kwa onyesho la Sanaa Fashion lililofanyika kwenye ukumbi wa Mbezi Garden, Sanaa Fashion ambayo ililenga zaidi wabunifu chipukizi na kufanikisha hilo kwa kiasi kikubwa.

Miongoni mwa wabunifu walioshiriki katika  onyesho la Sanaa Fashion ni Walter, Assia, Hameed,Jay Julius, Joyce collection, Benja Parfect, Kinen, Faima collection, Jacky Mandoza pamoja na Mgombelwa

Moja ya wabunifu chipukizi walionekana kufanya vizuri ni Mgombelwa kutoka Morogoro ambapo mavazi yake yalionekana ni yenye ubora wa hali ya juu, nakupelekea watazamaji walioko kwenye onyesho kushangilia kwa sauti za juu.

Sanaa Fashion iliudhuliwa na mastaa kama Martin Kadinda,Bob junior pamoja  na Ally Rehmtullah, Akiongea na AfroSwagga Ally Rehmtullah alisema “Nawapongeza waandaji  maana ni kitu kizuri kwa wabunifu chipukizi, Tanzania hakuna onyesho kama hili linalowapa nafasi  wabunifu chipukizi. Nawapongeza tena waandaaji na hili lisiishie hapa ila iende mbele zaidi na zaidi ikibidi kila mwaka mara moja Alisema”