INAWEZEKANA KAMA TU MTASHIRIKIANA 

Kumekua na malalamiko mengi katika sekta ya mitindo, wana mitindo na wabunifu wengi walio pita na waliopo wana lalamika kwamba Sekta hii haipewi support si sawa na sekta nyingine kama muziki na filamu. Ni kweli imekua hivyo kwa miaka mingi sasa ni kutokana na tabia mbaya za wachache zina wagharimu wengine, watu wengi wanaona sekta ya mitindo ni uhuni na kwa sasa ime zidi kutokana na watu wake kuto jiheshimu tumeona wana mitindo mbali mbali wakiwekwa kwenye magazeti kwa kashfa mbalimbali mbaya, na wengi hufanya hivi kupata kiki (kama ambavyo wenyewe husema) wana taka kupata jina na kutambulika mjini kwa sababu tu ukiwa na jina ndio watu wengi wata kupa kazi ufanye, hawezi kupewa kazi fulani mtu asiye na kiki kwa makampuni hudhani mtu mwenye kiki kwa wakati huo ata waletea wateja kuliko yule ambae hana kiki. Kiupande mmoja ni kweli na upande mwingine wana kosea, Vipi wana kosea? tunawaona watu kama Flaviana Matata, Hapiness Magesse, Miriam Odemba au Herieth Paul kwa hapa kwetu Tanzania wanajulikana lakini si sana ila huko nje wana fanya kazi nzuri sana makampuni wange fikiria pia ukimtumia Happy au Miriam hutopata tu wateja kutoka Tanzania Bali pia Nje ya Tanzania.

Turudi kwenye kushirikiana ni kweli sekta hii haipewi support labda na makampuni, magazeti na hata serikali lakini Je? wao waliopo tayari katika dira ya mitindo au wamesha julikana wana wasaidia vipi wengine wanao jaribu kuingia katika ulimwengu huo? au hata wao wenyewe kwa wenyewe wana saidia vipi katika miradi yao? mtu kama Hapiness ana mradi wake kwa sasa lakini ni wana mitindo na wabunifu wachache sana wanao msupport, huwezi kulalamika hupati support kama nyinyi wenyewe kwa wenyewe humpeani hio support, kama mngekuwa mna shikana katika mambo mbali mbali wengi wange ona na wange wapa support kilio cha mtu mmoja si sawa na kilio cha wengi, kilio cha mtu mmoja ni sauti lakini kilio cha wengi ni ujumbe ambao utasambaa kwa kasi mno.

Mpo wengi sana kwa sasa ambao mna miradi yenu mnge anzisha hata chama na kuanza kufanya miradi kwa pamoja hii tu haito saidia ninyi kusikika bali pia kusaidia wale wanao chipukia kujitambua kwamba bila hata ya mie kukaa utupu au kutafuta kiki kwa njia mbaya ninaweza kufikia malengo kama ambao walio tangulia kwa kujiunga nao na kufanya nao kazi.