Namna Ambavyo Media Personalities Wanaweza Kuleta Ushawishi Katika Mitindo 

Moja kati ya watu ambao Nchi za wenzetu wanawatumia katika kuleta ushawishi wa mitindo kwenye jamii ni media personalities, kwa kusema media personality hapa tunamaanisha wale watu maarufu katika media yaani watangazaji, wale ambao wamepata umaarufu kupitia kitu fulani wamefanya kama washindi wa michezo fulani mfano Idris Sultan aliyepata umaarufu kupitia ushindi wake  Big Brother, wale watu maarufu katika mitandao ya kijamii n.k.

Hawa watu wanaushawishi mkubwa katika jamii na mbele ya kamera za media mbalimbali. Ushawishi wao unawakusanyia watu wengi ambao wanawaangalia, endapo media personality akivaa vazi aina fulani au mbunifu fulani basi utaona wale wafuasi wake nao wakijaribu kuvaa kama yeye, na hii inaonekana sasa hivi ukipita kwenye mitandao ya kijamii, wauza urembo au mavazi wengi wanaunganisha picha ya msanii au mtu fulani anaefahamika akiwa amevaa hilo vazi na mavazi wanayouza wao. Ukiuuliza wafanya biashara hawa watakwambia mtu yoyote maarufu akivaa, kusuka au kutumia urembo unaouuza basi hivyo vitu huisha kwa kununuliwa haraka zaidi.

• Tunahitaji Fashion Influencers Kukuza Fashion Industry Ya Tanzania

Kutokana na kwamba jamii inawaangalia endapo watachukua muda wao mfupi katika kuvaa au kuongelea kuhusu fashion, basi hii itawapa elimu jamii inayo wazunguka kuhusu namna gani na wao wanaweza kuwa fashionable, mfano mzuri Nchini Kenya host’s wa Television Loulou Hassan mara kwa mara huchukua muda wake kuwaelimisha wafuasi wake kwa namna wanavyoweza kufunga viremba vile ambavyo yeye hufunga.

Lakini pia wanaweza kutumiwa na wabunifu katika kutangaza kazi zao, si watu wote wanaojua mbunifu fulani anabuni au ana collection fulani ya mavazi, ukitumia kumvalisha media personality akasema amevalishwa na fulani basi hii taarifa inaweza kuwafikia wafuasi wake kwa urahisi na wao kujua kwamba vazi hili alilolivaa fulani limebuniwa na mbunifu fulani, mfano mzuri ni mtangazaji Amina Abdi Rabar kutoka Kenya, wabunifu wengi na maduka mbalimbali humvalisha Amina mara kwa mara na yeye anawatangazia kazi zao.

Vyombo vya mitandao vya kijamii vimefanya iwe rahisi kwa watu kuangalia watu  wanaowapenda  wamevaa na nini kipo kwenye trend. Kuna watu ambao huvaa vazi sababu tu fulani amevaa mfano kiatu akivaa Shadee au Bdozen basi na yeye angependa kuwa nacho, watu maarufu na ambao sio maarufu wanakitu kimoja kinacho waunganisha na hicho ni kwamba wote wangependa kupendeza, na kuonekana wanaenda kwa wakati kwa kuvaa trend zilizopo.