ZAMANI MPAKA SASA (HAPPINESS MILLEN MAGESE) 

MILLEN MAGESE (HAPPINESS MAGESE)

Ni miss Tanzania 2001 ambae alituwakilisha miss world mwaka huo huo 2001, baada ya kumaliza kazi zake za kuitumikia Tanzania alihamia Afrika ya kusini kuendeleza karama yake ya Uanamitindo huko alijulikana kama Millen Magesse.

Ni mwanamitindo wa kwanza kutoka Tanzania kufanya kazi na kampuni kubwa kutoka New York iitwayo FORD Pia ana fanya kazi na kampuni nyingine iitwayo Ice Model Management huko Johannesburg Afrika Ya Kusini.

Hapiness amekua kioo cha jamii kwa mengi, upendo wake, utulivu wake, uvimilivu na upiganaji wake. Hakuna kinacho mteteleza hata pale anapo kuwa na maumivu.

Amesaidia Tanzania kwa mengi kama kujenga Shule, Kuitangaza nchi yetu na pia kuwapa moyo vijana. Ametoa michango ya misaada kwenye mambo kama Tanzania Education Trust, African Rainforest Conservancy, na the MacDella Cooper Foundation.

Ameonekana kwenye majarida ya magazeti makubwa na kushirikiana na majina yenye bidhaa kubwa kama Ralph Lauren, Karen Millen, Alphadi, African Mosiaque, David Tlale, Gavin Rajah, Sun Goddess, Stoned Cherrie, Thula Sindi , Kluk CGDT, Suzanne Heynes, Heni, Clive, Laquan Smith, Tarun Talhian, Priscilla, Deola Segoe, Tiffany Amber, Korto Momulu na kadhalika . Ameonekana kwenye majarida ya magazeti kama Ladybrielle, JCK (NY), Uzuri, Bang, and Sawubona, True Love, Cosmopolitan, Elle, O Magazine, Marie Clare, Style, Glamour.

“Kutoa kitu katika jamii ni kitu ambacho nakipenda kwa sababu kinatoka moj kwa moja ndani ya moyo wangu najisikia kutimia pale nnapo weza kuwasaidia wale ambao hawana uwezo. Japo kuwa huwaga siongelei kuhusu hiyo misaada ni vizuri kuonyesha kwa matendo kuliko kuongea” amesema Hapiness.

Na juzi tu amepokea Tuzo kutoka BET Itwayo “Global Good Award” amepata tuzo hii kwa juhudi zake katika kampeni ya kutokomeza  ugonjwa uuitwao ENDOMETRIOSIS ambao husababisha mwanamke kuto kuzaa unao mkabili na yeye pia.