Namna Ya Kuondoa Weusi Wa Macho “Miwani /Puffy Eyes ) 

Weusi chini ya macho unasababishwa na mambo mengi ikiwamo kukosa usingizi wa kutosha. Binadamu anatakiwa kulala masaa yasiyopungua 6 hadi 8, kuhakikisha ubora wa afya na Ngozi yake. 
KULALA na kupumzika ni muhimu kwa kuwa na afya nzuri na muonekano mzuri. Hata hivyo, aghalabu huwa sio rahisi kuupata usingizi wa kutosha kila usiku na wakati mwingine utaona weusi usoni chini ya macho unapokosa usingizi. Hali hii pia husababisha ‘puffy eyes’ yaani uvimbe wa aina fulani katika sehemu karibu na macho.

• Viazi

Viazi vina asili ya enzymes zinaong’arisha ngozi, ambao husaidia kufifiza weusi chini ya macho.Weka kiazi kibichi katika hiyo sehemu ya machoni unaweza kukikata vipande vidogo vyembamba au kwa kusaga kupakaa rojo.Weka kwa 30 dakika kisha toa,osha uso kwa maji ya kawaida.

• Majani ya Nanaa “Mint” 

Yaponde majani ya mint kidogo na pakaa chini  macho hapo kwa dakika tano. Safisha uso kwa maji ya kawaida. Unaweza ukatumia majani ya mint ukachanganya na asali au olive oil kabla hujapakaa kwenye macho. Baada ya kuosha, paka ‘moisturizer’.

• Tea bags

Caffeine ilioko ndani ya  majani ya chai ina uwezo wa kukazisha ngozi chini ya macho na pia huondoa kuungua na mbadiliko wa rangi. Baada ya kutumia tea bag yako  weka kwenye friji ipate baridi. Kisha Chukua tea bags zako mbili kutoka kwa friji weka kwenye macho yako yakiwa yamefungwa kwa kuilaza kwa dakika 15.

• Rose water

Rose water ina vitamini kama A na C, Unapaswa kuyapaka hayo maji chini ya macho kwa dakika 10 kwa kutumia pamba.

• Matango

Kuweka vipande vya  matango ya baridi kwenye kila jicho husaidia kuondoa uchovu, na husaidia kulainisha ngozi ya machoni. Matango pia hufanya kazi ya kukaza na kung’arisha uso, husaidia kuondoa mabadiliko ya rangi katika ngozi.

Ni vizuri zaidi kutumia Njia moja kwa muda ili uweze kujua ni ipi hasa inakufaa! Rudia hadi uone matokeo unayotaka! 
Jee wewe Utachagua ipi, Kati ya hizo Hapo juu!?  Tuambie zaidi kwenye comment hapo chini.

Imeandikwa na @binturembo